Isethulo Esiphuma Phambili Senziwe Oyilunga lenhlangano ye-Gastroenterology YaseNingizimu Afrika

BY: .

Click here for English version

UDkt Gillian Gaskin ubejabule kakhulu ukuthola indondo ebuya kwi-Gastroenterology Foundation eyaziwa ngele-Award for Best Presentation by Fellow kwinkomfa eyaziwa ngele- South African Gastroenterology Society (SAGES) Congress esanda kubanjelwa ePitoli.

UDokotela wezifo zesisu esibhedlela Inkosi Albert Luthuli Central (IALCH), uGaskin wethule inkulumo yemizuzu eyisishiyagalombili ngosuku lokuqala lwengqungquthela. Wethula ngezindlela ezikhona ezisetshenziswa ekuxilongweni kweziguli ezineSifo Sofuba esiqubuka emathunjini (TB).

Inselelo ekuhlukaniseni i-TB equbuka emathunjini kwi-Crohns Disease, kanye nendima engadlalwa yi-ultrasound yamathumbu ekuxilongeni nasekuqashelweni kokwelashwa kweziguli ezine-TB yamathumbu, nayo yagqanyiswa enkulumweni. Uthe ‘Ngenxa yokushoda kocwaningo oluphathelene nokusetshenziswa kwe-ultrasound emathunjini ekuxilongeni nasekuhlolweni kwe-TB yamathumbu, sithemba ukuthi sizokwenza ucwaningo olwengeziwe ngalesi sihloko bese sethula okutholakele engqungqutheleni elandelayo yakwa-SAGES’.

UGaskin uthe kunomthwalo omkhulu we-TB KwaZulu-Natali (KZN) kanti isifo sofuba emathunjini singesinye sezethulo zesifo sofuba esingavamisile ukuthi kukhulunywe ngaso noma kugqanyiswe ngaso, ngakho uma lezi zifo ezihlaba umxhwele zifika emnyangweni, kuba nengqondo ukuxoxa ngazo nozakwabo.

Wachaza ukuthi i-gastroenterology ingenye yemikhakha ekhethekile ehluke kakhulu nethokozisayo, ‘... futhi ikhula ngokushesha. Ngiyathanda ukuthi ngikwazi ukusebenza egumbini le-scope room ngolunye usuku bese ngiba semtholampilo ngokulandelayo.' Uthe uyakujabulela ukuthi bathole ukuxhumana nabanye ochwepheshe bezempilo njengengxenye yamathimba ahlukahlukene - kusukela kodokotela abahlinzayo, odokotela be-histopathologists, i-oncologists, ochwepheshe bezokudla. , abahlengikazi, izazi ze-radiology, nabanye abaningi.

U-Gaskin waphothula iziqu zakhe ze-MBChB (cum laude) ngowezi-2008 e-UKZN. Wasala e-KZN waphothula izifundo zakhe zokufundela umsebenzi kanye nokwenza umsebenzi womphakathi e-Pietermaritzburg Complex. Uphothule ukuqeqeshwa kwakhe kwi-registraar training kweze-Internal Medicine futhi wathola i-master's ngowezi-2017 e-UKZN. Ubesebenza njengoDokotela e-Harry Gwala Regional Hospital eMgungundlovu kusukela ngowezi-2016 waze wadlulela esikhungweni se-Gastroenterology Fellowship e-IALCH ngoMandulo wezi-2022.

Uthe kumphathe kahle ukuthi umsebenzi wakhe ukwaze ukuthola ukuhlonishwa engqungqutheleni. ‘Ngamangala ngempela futhi ngahlonishwa, futhi ngalibonga ithuba lokwenza isethulo endaweni enkulu kangaka. Ngiphinde ngibonge imibono evela kozakwethu eMnyangweni Gastroenterology, I-Anatomical Pathology kanye Ne-Radiology.

U-Gaskin unethemba lokuthi uzoqeda ukuqeqeshwa kwakhe njengoDokotela we-gastroenterology futhi abuyele endaweni yaseMgungundlovu ayosebenza futhi azinze khona. ‘Ngingathanda ukuqhubeka nocwaningo kulo mkhakha futhi ngikwazi ukuqala izifundo ezithuthukile ze-endoscopic ukuze ngilethe amakhono adingeka kakhulu kanye nobuchwepheshe eNingizimu Afrika.’

Weluleka oDokotela abafisa ukuba oNgoti be-gastroenterology ukuthi babhekane nakho ngqo! Ngeke bazisole nakancane. Kuyinkundla emangalisayo enendawo ehlala ithuthuka njalo. Kubhalansa kahle phakathi komsebenzi wezokwelapha kanye nomsebenzi osekelwe enqubweni kuzokwenza ulujabulele usuku ngalunye.’

Umbhalo: uLunga Memela

Isithombe: Sithunyelwe